Vokzaldarda «Ashyq» baǵdarlamasy engizilgennen beri 500-den astam «qyzyl» jáne 239 «sary» mártebesi bar adam anyqtaldy, dep jazady Egemen.kz.
Bárinen de oqshalanýdy elemeı, aınalasyndaǵy adamdardy qaýip-qaterge tigetinder qatary Nur-Sultan qalasynda kóp bolyp shyqty. Elordalyq vokzaldar aýmaǵynda «sary» jáne «qyzyl» mártebesi bar 177 azamatqa kirýge ruqsat berilmegen.
«Qazaqstan temir joly» UK» AQ vokzaldarǵa tek «kók» jáne «jasyl» mártebesi bar adamdar ǵana jiberiletinin eske salady. PTR taldaýy qajet emes. Kelýshilerde gadjetter bolmaǵan jaǵdaıda vokzal qyzmetkerleri JSN boıynsha statýsty tekseredi.
«Paıdalanylmaǵan jol júrý qujattaryn (bıletterin) qaıtarý somasy Investısııalar jáne damý mınıstriniń 2015 jylǵy 30 sáýirdegi №545 buıryǵymen bekitilgen Jolaýshylardy, bagajdy, júk-bagajdy jáne poshta jóneltilimderin temir jol kóligimen tasymaldaý qaǵıdalaryna sáıkes júrgiziledi», dep habarlady «Qazaqstan temir joly» UK» AQ baspasóz qyzmeti.