Belgili promoýter Eddı Hırn meksıkalyq Saýl Alvares pen qazaqstandyq Gennadıı Golovkın arasynda úshinshi jekpe-jek ótkenin qalaıtynyn aıtty, dep habarlaıdy Egemen.kz.
«Álbette, kásipqoı boks álemindegi eń úlken jekpe-jek – Alvares - Golovkın trılogııasy. Bul Saýl Alvares úshin eń úlken shaıqas ekeni daýsyz. Alaıda Saýl ne istegisi kelse de ózi biledi. Ekinshi orta salmaqtaǵy absolıýtti chempıon ataǵyn qorǵaı ma, jartylaı orta salmaqqa aýysyp sol jaqta absolıýtti álem chempıony bolǵysy kele me? Munyń bári óziniń jeke sharýasy. Dál qazir «Kanelo» men Eddı Reınoso – bastyq. Biz birneshe nusqa usynamyz. Sheshimdi ózderi qabyldaıdy», dedi ol óz oıymen bólisip.
Rasynda da boks áleminde budan ótken úlken shaıqas joq ekeni anyq. Alvares te muny jaqsy biledi. Biraq Golovkınmen úshinshi ret judyryqtasýǵa táýekeli jete me? Ol jaǵy beımálim.