Polsha Syrtqy ister mınıstri Zbıgnev Raý men Túrkııa SIM basshysy Mevlıýt Chavýshoglý telefon arqyly sóılesip, Belorýssııa men Eýropalyq Odaq (EO) shekarasyndaǵy mıgranttarmen jaǵdaıdy talqylady. Bul týraly Polsha SIM óziniń Twitter-degi paraqshasynda jarııalandy, dep habarlaıdy Egemen.kz.
Vedomstvonyń málimdemesine sáıkes, Ankara Polshaǵa qoldaý kórsetedi jáne elder NATO odaqtastary retinde Belorýssııa Prezıdenti Aleksandr Lýkashenkonyń kórshi elderge qarsy «gıbrıdti shabýyl» retinde mıgranttardy paıdalanýyna qarsy turý úshin jumys isteıdi.
Varshava men Ankara arasyndaǵy kelissózder Túrkııa tarapynyń bastamasymen ótti. Buǵan deıin Lıtva premer-mınıstri Ingrıda Shımonıt Lıtva men Polsha shekaralaryndaǵy kóshi-qon daǵdarysy Mınskniń syrtqy ekonomıkalyq qysymǵa reaksııasy boldy dep málimdedi.
Mıgranttardyń Eýropalyq Odaqtyń (EO) Shyǵys shekaralaryna aǵylýynyń sebebi retinde ol EO Belorýssııaǵa engizgen sanksııalardy atady. Shımonıttiń aıtýynsha, Mınsk kóshi-qon daǵdarysyn týdyrdy, óıtkeni Eýropalyq Odaqtyń shekteý sharalary Belorýssııa ekonomıkasyna aıtarlyqtaı zııan tıgizedi.