Jeńil salmaqtaǵy álemniń absolıýtti chempıony Ketı Teılor 11 jeltoqsan kúni Qazaqstannan shyqqan áıelder arasyndaǵy tuńǵysh álem chempıony Fırýza Sharıpovaǵa qarsy shaıqasta óz belbeýlerin qorǵaıdy, dep habarlaıdy Egemen.kz.
Ulybrıtanııanyń Lıverpýl qalasynda ótetin jekpe-jekke qatysty Ketı Teılor málimdeme jasady.
«Jyldyń aıaqtalýyn asyǵa kútemin. О́ıtkeni jeltoqsan aıynda kezekti márte ózime tıesili álem chempıony ataqtarymdy qorǵaıtyn bolamyn. Kelesi jyly meni ǵajap shaıqastar kútip turǵanyn bilemin. Alaıda men ázirge Fırýzany jeńýge tyńǵylyqty daıyndalyp jatyrmyn», dedi ol óz oıymen bólisip.
10 raýndqa josparlanǵan kezdesýde Fırýza da qarap qalmaıdy dep oılaımyz. Taraz qalasynyń týmasy kásibı mansabynda eń úlken kezdesýin ótkizedi. Boksshy qyz jankúıerlerdiń senimin aqtaýǵa baryn salatyn bolady.