Áıgili ýkraınalyq bylǵary qolǵap sheberi Vasılıı Lomachenkonyń katmeni Rass Anber osy ýaqytqa deıin meksıkalyq Saýl Alvareske Gennadıı Golovkın sııaqty eshkim qarsylyq kórsete almaǵanyn aıtty, dep habarlaıdy Egemen.kz.
«Shyny kerek, kezinde men Gennadıı Golovkındi synadym. Alaıda Abel Sanchespen sóılesken soń jáne «Kanelonyń» Kaleb Plantpen jekpe-jegin kórgennen keıin kózqarasym ózgerdi. Rasynda «Kanelonyń» eń qıyn jekpe-jekteri Gennadıı Golovkınge qarsy ótti. Ol Saýlge joıqyn soqqylaryn darytty, ózi de jiberip aldy.
«Kanelonyń» sońǵy kezderdegi shaıqasyn kórgendikten, Golovkınniń qarsylas retindegi aksııasy ósti dep naqty aıta alamyn», dedi ol.
Ekinshi orta salmaqtaǵy álemniń absolıýtti chempıony Saýl Alvares Gennadıı Golovkınge qarsy rıngke shyǵýǵa daıyn ekenin málimdedi. Ol úshin qazaqstandyq boksshy jeltoqsan aıynda japonııalyq Rıota Mýratany jeńýi kerek.