QR Prezıdenti Qasym-Jomart Toqaev Kaspıı qubyr konsorsıýmy ózi úshin de erekshe mánge ıe ekendigin aıtty, dep habarlaıdy Egemen.kz.
«Jobanyń júzege asyrylýy Teńiz, Qarashyǵanaq jáne Qashaǵan syndy álemdik ólshemmen alyp qaraǵanda iri ken oryndaryna qýatty serpin berdi. Búginde olarǵa elimizde óndiriletin barlyq munaıdyń 60 paıyzy tıesili. Konsorsıým Qazaqstan men Reseıdiń, sonymen qatar Chevron, Eni, Lýkoıl, Shell jáne ózge de jetekshi munaı kompanııalarynyń qatysýymen iri halyqaralyq munaı tasymaldaý jobasyna aınaldy», dedi Qasym-Jomart Toqaev Kaspıı qubyr konsorsıýmynyń 25 jyldyǵyna arnalǵan saltanatty jıynda.
Memleket basshysy konsorsıýmǵa qatysýshylardyń arasynda ymyraǵa qol jetkizý úshin Qazaqstan jáne Reseı basshylyǵynyń úlken kúsh-jigeri jumsalǵan uzaqjyldyq kelissóz áli esinde ekendigin atap ótti.
«Tuńǵysh Prezıdent Nursultan Nazarbaev usynǵan seriktestiktiń 10 prınsıpi konsorsıýmnyń tabysty jumys isteýine negiz qalady. Bul joba men úshin de erekshe mánge ıe. О́ıtkeni, onyń qurylysynyń bastalýyna jáne iske qosylýyna arnaıy qatysqan edim. Vagıt Alekperov te qatysty. Taıaýda ol maǵan fotografııa tabys etti. Ol kezde biz sál basqasha, múmkin munan da nasharlaý edik. Qalaı desek te, atalǵan jobany iske qosý sharasynyń qalaı ótkeni esimizde», dedi QR Prezıdenti.