Bizdiń memlekettik táýelsizdikke qol jetkizgen kúnimizge deıingi saıası, quqyqtyq jaǵdaıymyzdy búgingi jas urpaq bile bermeıtini belgili. Tipti sol jyldardy keıbir aǵa urpaq ókilderiniń ózderi umytyńqyrap bara jatqany da jasyryn emes. Memlekettik táýelsizdik elimizge túbegeıli ózgerister alyp keldi. О́zgerister jasaıtyn múmkindikter týdy. Biraq ol ózgerister óz-ózinen bola qoıǵan joq. Másele sol ózgeristerdi qalaı paıdalana alǵanymyzda.
Memlekettik táýelsizdigimizdi jarııa ettik. Endigi jerde memleket qurlysy, halyqtyń turmysy, búkil tynys-tirshiligi, qaýipsizdigi, qorǵanysy, dúnıejúzilik qaýymdastyqpen qarym-qatynasy, ishki-syrtqy saıasaty, taǵy da basqa mańyzdy baǵyttar boıynsha qandaı jolmen uıymdasyp, qandaı reformalarǵa jumylý qajet degen suraqqa jaýap izdegende, árıne, myńdaǵan otandasymyz, eń aldymen, Elbasy – Tuńǵysh Prezıdent Nursultan Ábishuly Nazarbaevtyń memlekettik, qaıratkerlik eńbegin aıtý ádildik bolsa kerek.
HH ǵasyrda halqymyz basynan ótkergen saıası qýǵyn-súrgin, asharshylyqtar saldarynan álemniń 40-tan astam eline shashyrap ketken qazaq balasyn elge qaıtarý Táýelsizdigimizdiń birinshi kúninen bastap Tuńǵysh Prezıdentimizdiń, Úkimettiń basty nazarynda boldy. Burynǵy, ıaǵnı 70 jyldan astam ýaqytta sheteldegi qazaqtarmen qarym-qatynasymyz úzilip qalǵan edi. Sol alasapyran kezdiń ózinde sheteldegi qandastarymyzben qarym-qatynas ornatyp, olardyń elge qaıtam degenderine meılinshe jaǵdaı jasaý tapsyrmalary quzyrly organdarǵa mindetteldi. 1992 jyldyń kúzinde Elbasy Nursultan Nazarbaevtyń bastamasymen Almaty qalasynda Dúnıejúzilik qazaqtardyń I quryltaıy ótkizilip, oǵan shetelderden 2 myńǵa jýyq qandas jınalyp, shyn máninde rýhanı, saıası bostandyqty sezindik.
Mine, qazaqtyń uly kóshi sol jyldary, osydan 30 jyl buryn bastalyp edi. Táýelsizdigimizdiń arqasynda el men el qosylyp, ejelgi qazaq jeri jańa dáýirdiń qut mekenine aınalyp otyr. Ol kósh óziniń kerýenin jyldan jylǵa ósirip keledi. О́ıtkeni adamdardyń kóshi-qony – únemi jalǵastyqtaǵy qubylys. Táýelsizdik dáýirinde qazaq jerine shetelderden 1 mıllıonnan astam qandasymyz turaqty kelip, ornyqsa da bolashaq taǵdyryn atamekenimen baılanystyrý armany kelgen baýyrlardan birneshe ese kóp syrtta júrgen baýyrlardyń armany ekeni de aıǵaq. Bul sóz joq, bizdiń qazaq halqynyń ulttyq memlekettik táýelsizdigimizdiń jarqyn jeńisi.
Qýanysh SULTANOV,
Qazaqstannyń eńbek sińirgen qaıratkeri