Ekinshi orta salmaqtaǵy álemniń absolıýtti chempıony, meksıkalyq bylǵary qolǵap sheberi Saýl «Kanelo» Alvares pen otandasymyz Gennadıı Golovkın kelesi jyly ózara úshinshi jekpe-jekti ótkizýi múmkin, dep habarlaıdy Egemen.kz.
Buǵan deıin sharshy alańda 24 raýnd ótkizgen eki myqtynyń arasyndaǵy shaıqas meksıkalyqtyń bapkeri Eddı Reınosony da qyzyqtyryp otyr.
«Álbette, biz Gennadıı Golovkın men Saýl Alvarestiń rıngte úshinshi márte kezdesip, buǵan deıin bolǵan barlyq áńgimelerge núkte qoıǵanyn qalaımyz. Biz bul kezdesýdi ótkizýge nıettimiz. Men eki myqty arasyndaǵy shaıqas Meksıkanyń Mehıko nemese Gvadalahara qalalarynyń birinde uıymdastyrylǵanyn qup kóremin. Gennadıı Golovkın jeltoqsanda Rıota Mýratamen kezdesedi. Aldymen sol jekpe-jek qalaı aıaqtalatynyn baqylap kóreıik. Múmkin sodan soń trılogııaǵa shyndap kirisermiz», dedi Reınoso óz oıyn túıindep.