Petropavlda kúdiktiler memlekettik turǵyn úı qorynan páterdi zańsyz jekeshelendirip alǵan.
Petropavl qalasynyń prokýrory Qonysbek Ibraevtyń habarlaýynsha, qalalyq prokýratýra turǵyn úı-kommýnaldyq sharýashylyq, jolaýshylar kóligi men avtokólik joldary bólimine tekserý júrgizgen. Tekserý barysynda memlekettik turǵyn úı qorynan páterdi zańsyz jekeshelendirý faktisi anyqtaldy.
Qoldanystaǵy zańnamaǵa sáıkes usynylatyn baspana turǵyn úıdiń qaldyq quny boıynsha jekeshelendiriledi. Degenmen, Ýálıhanov kóshesiniń boıynda ornalasqan úıdegi páterlerdiń birin jekeshelendirý kezinde jergilikti atqarýshy organǵa turǵyn úı qunynyń tólengeni týraly jalǵan túbirtek usynylǵan. Salyq qyzmetiniń deregi boıynsha, atalmysh páterdi jekeshelendirýden túsken qarajat memleketke aýdarylmaǵan.
Alaıaqtyq áreket saldarynan memleketke 1 291 864 teńge kóleminde materıaldyq shyǵyn keltirildi. «Qarjy polısııasy bul fakti boıynsha qylmystyq is qozǵap, tergeý amaldaryn bastady», – dep málimdedi Q. Ibraev.
Aıdar О́RISBAEV,
«Egemen Qazaqstan».