Elbasy tulǵasy – qylqalam ushynda

Qazaqstan Respýblıkasynyń Tuń­ǵysh Prezıdenti kúnine oraı­lastyrylǵan is-shara N.Nazar­baevtyń tulǵasyn te­reńirek taný­ǵa baǵyttalǵan.

Is-sharany ashqan Elbasy kitaphanasynyń dırektory Ba­qyt­jan Temirbolat óz sózinde: «Qa­zaqstan Respýblıkasynyń Tuń­ǵysh Prezıdenti – Elbasy zama­naýı qazaqstandyq mem­leket­tiliktiń negizin qalaýshy retinde álemdik saıasat tarıhyna endi.

Kóbine Nursultan Nazar­baev­tyń fenomeni qazaq­stan­­dyq jol­dyń jetistigin aı­qyndaı­dy. Sondyqtan da onyń ómiri men qyzmeti zertteý­shi­lerdiń, jýrnalısterdiń, jazý­shy­lar­dyń basty nazarynda.

Elbasynyń tarıhı mura­sy­­na arnalǵan kóptegen eń­bek­­­­tiń ishinde beıneleý óneri she­berleriniń kórkem týyn­dy­lary da ózekti. Osy tus­­ta biz sizderdi Nursultan Ábish­­uly­nyń beınesine basqa qy­rynan úńi­lip, oǵan túrli má­de­nıetter men kórkemóner mek­tepteri ókil­deriniń kózimen qa­raýǵa shaqy­ramyz», dedi.

Sondaı-aq Parlament Sena­tynyń depýtaty Olga Býlav­kına: «Tuńǵysh Prezıdenttiń el aldyndaǵy úlken jaýapkershi­ligi tórtkúl dúnıege kópultty Qa­zaqstandy múmkindigi mol mem­­leket retinde kórsete bil­di. Beı­bitshilik, kelisim men turaq­ty­lyq táýelsiz memleket qurý­dyń negizine aınaldy», dep El­ba­synyń saıasatkerlik qyryna toqtaldy.

Kórmege sheteldik kósh­­bas­shylar, belgili qoǵam jáne mem­­leket qaıratkerleri syı­ǵa tart­­qan portretterdiń sha­ǵyn bó­li­gi qoıylǵan. Olar – kór­kem já­ne sándik-qoldanbaly óner­diń bire­geı avtorlyq tehnıkala­ry men janrlarynda túrli mate­rıal­dar­dan: tas, áınek, balyq terisi, tas úgin­dileri, tabıǵı teńiz qumy, shil­ter sym, kúrish, tary, farfor jáne t.b. jasalǵan týyn­dylar.