Qazgıdromet 23-25 qarashaǵa arnalǵan aýa raıy boljamyn jarııalady, dep habarlaıdy Egemen.kz.
«Qazaqstanǵa Soltústik-batys sıklon jáne onymen baılanysty frontaldyq bólimder óz yqpalyn jalǵastyrady. Eldiń basym bóliginde qubylmaly sıklon saqtalyp jaýyn-shashyn (kóbinese qar túrinde) ótedi.
Shyǵys Qazaqstan oblysynyń soltústik-shyǵysynda qalyń qar jaýady. Respýblıka boıynsha tuman, kóktaıǵaq, sondaı-aq ekpindi jel, soltústik jartysynda burqasyn boljanady.
Batysta, soltústik-batysta, soltústikte aýa temperatýrasy tómendep 18-23 gradýsqa deıin aıaz bolady, ortalyqta jáne shyǵysta túnde 8 gradýsqa sýytady. Al ońtústik óńirlerde aýa temperatýrasy kúndiz 9-17 jyly bolady.