Kóne shahardyń kóz tartar sulýlyǵyn obektıvke syıdyrǵan jas sheberler «Túrlengen Taraz» respýblıkalyq baıqaýyna «Úzdik mobılograf», «Úzdik dron túsirýshi», «Úzdik fotograf» sekildi 15 nomınasııada daıyndaǵan materıaldaryn joldaǵan, dep habarlaıdy Egemen.kz.
Jeńimpazdardy marapattaý rásimi «Kóne Taraz» tarıhı-etnomádenı keshenindegi oblystyq tarıhı-ólketaný mýzeıinde ótti.
Jalpy baıqaýǵa qatysqan 46 adamnyń ishinen 15 qatysýshy oza shaýyp, ár nomınasııa boıynsha úzdik atandy. Olardyń árqaısysy kún sanap kórkeıip, jańa keıipke engen Taraz qalasynyń búgingi keskin-kelbetin foto-vıdeo materıaldar arqyly barynsha áserli kórsete bilgen.
Sondaı-aq baıqaýdy uıymdastyrýǵa belsendi atsalysqany úshin oblystyq «ARAI» jastar gazetiniń fototilshisi Altynbek Qartabaı, Dýlat Shıqpanbetov, Azat Baıtemırov, Baqytbek Sýanbekov syndy sala mamandary da marapattan tys qalǵan joq.