Almatynyń ortalyǵynda alyp aǵash avtokóliktiń ústine qulady, dep habarlaıdy Egemen.kz.
Oqıǵa beınelengen vıdematerıal áleýmettik jelide tarap júr. Beınejazbadan alyp aǵash jeńil kóliktiń ústine qulaǵanyn kórýge bolady.
Oqıǵa 26 qarashada Gogol men Qaldaıaqov kósheleriniń qıylysynda bolǵan. Qalalyq TJ departamentiniń málimetinshe, túski saǵat 13:19-da Medeý aýdanynyń polıseılerinen habarlama túsken.
«TJD-ǵa Medeý aýdandyq polısııa basqarmasynan Qaldaıaqov kóshesi, 28-úıdiń janynda «Kıa RIO» markaly avtokóligine aǵash qulaǵany týraly habarlama kelip tústi. Qaza bolǵandar men zardap shekkender joq. Oqıǵa ornyna Almaty qalasy ákiminiń apparaty, «Almaty Tazalyq» JShS, 109 qutqarý qyzmetiniń mamandary dereý jumyldyryldy. Qazirgi ýaqytta joldyń júrý bóligin tazartý jumystary aıaqtalyp, oqıǵanyń mán-jaıy anyqtalyp jatyr», dep túsindirdi vedomstvo ókilderi.