Atyraýda emhanadan órt shyǵyp, 45 adam evakýasııalandy, dep habarlaıdy Egemen.kz.
Oblystyq tótenshe jaǵdaılar departamenti baspasóz qyzmetiniń málimetinshe, emhana búgin, 26 qarashada órtengen.
«Tótenshe jaǵdaılar departamentiniń dıspetcherlik pýltine saǵat 12:34-te Atyraý qalasynyń «Almagúl» shaǵyn aýdanyndaǵy №7 emhananyń ǵımaratynda tútin shyqqany týraly habar tústi. Oqıǵa ornyna jetken órt sóndirýshiler emhananyń 3-qabatyndaǵy terapııa bólimi meńgerýshisiniń kabınetinde derbes kompıýterdiń janǵanyn anyqtady. Emhana ǵımaratynan 45 adam, 6 bala qaýipsiz jerge evakýasııalandy. О́rt elektr jelisiniń qysqa tuıyqtalýynan shyqqan», dep habarlady departamenttiń baspasóz qyzmeti.
Jalyn saǵat 12:45-te aýyzdyqtalyp, saǵat 12:49-da tolyq joıyldy. О́rtti sóndirýge departamenttiń 20 qyzmetkeri men 6 tehnıkasy, apattyq medısına ortalyǵynan 3 qyzmetker men 1 tehnıka jumyldyryldy.