Madrıdte ótip jatqan Devıs kýbogy fınaldyq kezeńiniń toptyq básekesinde Qazaqstan men Shvesııa kezdesti, dep habarlaıdy Egemen.kz.
Madrıd kortyna Qazaqstannan dúnıejúzilik reıtıngte 183-satyda turǵan Mıhaıl Kýkýshkın men Shvesııadan álemniń 171-raketkasy Elıas Imer shyqty.
Birinshi partııada shvesııalyq tennısshi 3:0 esebimen alǵa shyqty. Ol óziniń basymdylyǵyn saqtap, setti jeńispen aıaqtady.
Ekinshi sette Elıas Imer alǵa ozsa da, Mıhaıl Kýkýshkın tarazy basyn teńestirdi. Esep - 4:4. Sodan keıin Imer taǵy bir breık jasady, Kýkýshkın de odan qalyspady – 6:6. Biraq taı-breıkte Imerdiń joly bolyp, esep – 7:6 (7:4) bolyp ózgerdi. Nátıjesinde, Imer 9 eıs jasap, 6 breık-poınttyń tórteýin sátti paıdalandy. Kýkýshkın bolsa 1 eıs, 3 breıkten (4 breık-poınt) asa almady.
Tartysty oıyn 1 saǵat 52 mınýtqa sozyldy.
Ekinshi básekede Qazaqstannyń birinshi, álemniń 36-raketkasy Aleksandr Býblık pen reıtıngte 93-satydaǵy Mıkael Imer kúsh synasady. Sodan keıin juptyq synda Andreı Golýbev pen Aleksandr Nedovesovke Andre Goransso men Robert Lındstedt qarsy turady.