Qurban bolǵandar men zardap shekkender joq, dep habarlaıdy Egemen.kz.
Pavlodar oblystyq TJD baspasóz qyzmetiniń málimdeýinshe, 28 qarasha kúni saǵat 22:01-de «101» pýltine oblys ortalyǵyndaǵy qoımada órt shyqqany týraly habarlama kelip túsken.
«Shyǵys óndiristik aımaq kóshesi, 53 a mekenjaıynda «Lakra» JShS-de lak-boıaý buıymdaryn daıyndaý jáne saqtaýǵa arnalǵan jeke turǵan qoımada órt shyqty. Jalpy aýdany 432 sharshy metr aýmaqta laktalǵan, boıalǵan buıymdar óndirýge arnalǵan 6 metall qondyrǵy janǵan. Saǵat 00:05-te órt sóndirildi. Oqıǵa ornynda departamentten 41 qyzmetker men 9 tehnıka, «PMHZ» JShS-nen 5 qyzmetker men 1 tehnıka, apattyq medısınalyq ortalyqtan 4 qyzmetker men 1 tehnıka jumyldyryldy», dedi baspasóz qyzmetinde.Oqıǵanyń mán-jaıy, órttiń shyǵý sebebi men shyǵyny anyqtalýda.Foto jáne vıdeo: oblystyq TJD