Qazaqstanda dári-dármektiń baǵasy ár jerde ártúrli

Ranking.kz zertteýlerine sáıkes, farmpreparattar jylyna 2%-ǵa, emdeý jabdyqtary men apparatýrasy 5%-ǵa qymbattady.

Portaldyń málimetinshe, qazan aıynyń qorytyndysy boıynsha Qazaqstanda dári-dármekter, emdeý jabdyqtary men apparatýralary bir aıda 0,4%-ǵa jáne bir jylda 2,4%-ǵa qymbattady.

Aı saıynǵy dınamıkada farmsektordaǵy baǵanyń eń joǵary ósýi Almaty (1,7%), Qostanaı (1,5%) jáne Túrkistan (1%) oblystarynda baıqaldy.

«Jyldyq dınamıkada Aqmola jáne Mańǵystaý oblystarynyń (8,1%-ǵa), sondaı-aq Astananyń (7%-ǵa) turǵyndary qymbattaýdy qatty sezindi. Baǵanyń jyldyq ósýi eldiń 17 aımaǵynyń 16-da baıqaldy. Jambyl oblysynda baǵa 0,3%- ǵa azdap tómendedi», dep jazady Ranking.kz.

Sarapshylardyń derekterine sáıkes, tikeleı farmasevtıkalyq ónim jylyna 2,4%-ǵa, emdeý jabdyǵy men apparatýrasy 5,4%-ǵa qymbattady.

Aqmola oblysynyń (8,2%-ǵa), Mańǵystaý oblysynyń (8,1%-ǵa) jáne Nur-Sultan qalasynyń (7%-ǵa) turǵyndary farmasevtıkalyq ónim baǵasynyń jyldyq ósýin barynsha sezindi. Eń tómengi ósim Almatyda tirkeldi: 0,2%-ǵa.  Jambyl men Túrkistan oblystarynda baǵa bir jylda 0,4%-ǵa tómendedi.

Budan basqa, emdik jabdyqtar men apparatýranyń qymbattaýy Qostanaı oblysynda tirkelgen - 15,1%. Antıl-lıderlerdiń úshtigine Túrkistan (14,8%-ǵa) jáne Mańǵystaý (11,7%-ǵa) oblystary da kirdi. Aqtóbe oblysynda baǵalar, kerisinshe, 1,8%-ǵa tómendedi.

«Akvalor» 125 ml 9,8%-ǵa, 2 myń teńgege deıin, «No-shpa» 40 mg, 100 tabletka - 9%-ǵa, 2,7 myń teńgege deıin, «Essensıale forte N» 30 kapsýla - 8,2%-ǵa, 2,9 myń teńgege deıin qymbattady.

Asetılsalısıl qyshqyly (11,5% - ǵa, 10 tabletka úshin 51 tg deıin), parasetamol (8,7% - ǵa, 10 tabletka úshin 81 tg deıin), azıtromısın (3,7% - ǵa, 500 mg-nan 3 tabletka úshin 931 tg deıin) sııaqty dárilik zattar arzandady. Sondaı-aq, «Gıpotıazıd» baǵasy 25 mg, 20 tabletka (1% - ǵa, 1,1 myń teńgege deıin) jáne «Veroshpıron» baǵasy 100 mg, 30 kapsýla (0,6% - ǵa, 2,2 myń teńgege deıin) tómendedi.