Temirtaýda urylar zeınetkerdiń úsh mıllıon teńgesin urlap ketken, dep habarlaıdy Egemen.kz.
Bul týraly Polisia.kz saıty málimdedi.
Qala polısııasyna 87 jastaǵy keıýananyń ózi habarlasyp, onyń eki mıllıon 732 myń teńge aqshasyn belgisiz bireýler urlap ketkenin aıtqan.
Polısııanyń málimetinshe, ájeıdiń páterine sýmen jabdyqtaý mekemesiniń qyzmetkerimiz dep eki er adam kelgen. Olar sý súzgisin tegin aýystyratynyn aıtqan.
Jábirlenýshi «jumysshylardy» páterine kirgizgen. Olar ketkennen keıin ájeı jınaǵan aqshasynyń joǵalǵanyn bilgen.
28 qarashada krımınaldyq polısııa qyzmetkerleri Nur-Sultan qalasynyń 21 jáne 33 jastaǵy eki turǵynyn ustady. Kúdiktiler kinásin moıyndady. Atalǵan fakti negizinde polıseıler Qazaqstan Qylmystyq kodeksiniń 188-baby «Urlyq» boıynsha qylmystyq is qozǵady.
Tergeý amaldary júrgizilip jatyr.