Chelıabınskide QHL-2022 juldyzdarynyń matchyna hokkeıshilerdi tańdaý boıynsha BAQ ókilderi arasynda daýys berý ótti, dep habarlaıdy Egemen.kz.
Jýrnalısterdiń daýys berý qorytyndysy boıynsha «Eýrazııa» komandasyna QHL-dyń eń joǵary aqy tólenetin hokkeıshisi, «Barys» hokkeı klýbynyń kapıtany Darren Dıts qosyldy. Oǵan qosa Eýrazııalyq quramany Chelıabi «Traktorynyń» eki oıynshysy - Nık Beılen men Lýkash Sedlak tolyqtyrady.
Buǵan deıin jankúıerlerdiń daýys berý nátıjeleri boıynsha QHL barlyq juldyzdarynyń matchyna qatysýshylar tizimine «Barystyń» úzdik bombardıri - Nıkıta Mıhaılıs endi.
Qalǵan hokkeıshilerdi Qurlyqtyq hokkeı lıgasy tańdaıdy. Ár quramaǵa eki qaqpashy, toǵyz alańdaǵy oıynshy jáne eki jattyqtyrýshy kiredi. Úsh kezeńniń qorytyndysy boıynsha 44 oıynshy tańdalady.