Baqytjan Saǵyntaev densaýlyǵyna baılanysty demalysqa shyqty. Bul týraly Almaty qalasy ákiminiń baspasóz hatshysy Áset Muqajanov málimdedi, dep habarlaıdy Egemen.kz.
Baqytjan Saǵyntaevqa angına (tamaq aýrýy) dıagnozy qoıyldy.
Baspasóz hatshysynyń aıtýynsha, Baqytjan Saǵyntaev densaýlyǵyna baılanysty 2 jeltoqsanda ótip jatqan Almaty Investment Forum 2021-ge qatysa almaǵan. Ol forýmda sóz sóıleýi kerek bolǵan.
«Áriptester, Baqytjan Ábdiruly densaýlyǵyna baılanysty demalysqa shyqqanyna osymen úsh kún boldy. Tańerteń Almaty Investment forýmyna qatysa almady, óıtkeni ol em qabyldap jatyr. Oǵan angına dıagnozy qoıyldy, qyzýy bar. Múmkin, saǵat 16.00-de ol onlaın rejıminde qatysady», dedi Muqajanov.