О́skemendegi OV-156/1 mekemesiniń tárbıe bóliminiń qyzmetkerleri Oralhan Bókeı atyndaǵy kitaphana ókilderimen birlesip, Tuńǵysh Prezıdent kúnine oraı sottalǵandarmen kezdesý ótkizdi, dep jazady Egemen.kz.
Ádettegideı merekelik is-shara oń qoldy júrekke qoıyp, ánuran oryndaýdan bastaldy. Kezdesýde sottalǵandar Tuńǵysh Prezıdent týraly kitaptarmen jáne N.Nazarbaevtyń súıikti ádebı shyǵarmalarymen tanysa aldy.
Kitaphana qyzmetkerleri Elbasynyń ómirbaıanyn aıtyp, Nursultan Ábishuly Nazarbaevtyń basqarýyndaǵy Qazaqstan Respýblıkasynyń jetistikteri týraly beınerolık kórsetti. Kitaphana qyzmetkeri Rýslan Babırov aıtyp ótkendeı, Nursultan Ábishuly elimizdiń damýyna baǵa jetpes úles qosty, sonyń nátıjesinde Qazaqstan eń damyǵan 50 eldiń qataryna endi. Ras, eldik jolyndaǵy Elbasynyń eńbegi eren.
Kezdesý aıasynda sharýashylyq qyzmet kórsetý boıynsha jasaq sottalǵandary merekege oraı daıyndaǵan plakattaryn usynyp, jyly lebizderin bildirdi.