Kıev lıseıleriniń birinde nemis tili pániniń muǵalimi oqýshynyń orys tilin túsinbeıtindigine renjidi, dep habarlaıdy Egemen.kz.
Oqýshy muǵalim sabaqty oryssha túsindirip jatqan kezde odan materıaldy ýkraın tilinde aıtyp berýdi talap etken. Bilim alýshy orys tilin túsinbeıtinin jetkizgen. Bul sóz ustazdyń shamyna tıgen sııaqty.
«Ol orys tilin túsinbeıdi! Jetpis jyl boıy bári sol tilde sóılesti! Endi kelip bári qalaǵanyn jasatqysy keledi. Aldymen mádenıetti úırený kerek, túsinesiz be? Muǵalimge qurmetpen qaraı bilińiz», depti muǵalim el basylymdaryna bergen túsindirmesinde.
2019 jyly Ýkraınada «ýkraın tiliniń memlekettik til retinde jumys isteýin qamtamasyz etý týraly» zań kúshine engen. Soǵan sáıkes memlekettik til barlyq salada keńinen qoldanylýy tıis.