Aýa raıynyń jylynýyna baılanysty Syrdarııada seń qozǵaldy. Bul týraly «Qazaqstan» telearnasy habarlady.
Syrdarııa ózeninde tutasqan muz Ońtústik Qazaqstan oblysyndaǵy Baltakól eldi mekeni tusynan Qyzylorda oblysyna qaraı qozǵalǵan. Al bizdiń qolymyzǵa kelip túsken sońǵy aqparatta tutasqan muzdyń Jańaqorǵan aýdanynyń Qandoz aýylyna qaraı baǵyt alyp bara jatqany týraly jazylǵan eken.
Jalpy, qazirgi kezde Shardara sý qoımasynan tómen qaraı sekýndyna 1000 tekshe metr sý bosatylýda. Al Kóksaraı sý rettegishi osynyń 500 tekshe metrin qabyldaýda. Sondaı-aq, Qyzylorda sý torabynan sekýndyna 360 tekshe metr sý ótip jatyr. Osy shahardaǵy muzdyń qalyńdyǵy 46 santımetr bolsa, Qazaly aýdanynda ol 64 santımetrge jetken.
Jergilikti jerdegi mamandardyń aıtýynsha, darııadaǵy muz 20-25 naýryz aralyǵynda Qyzylorda qalasy tusynan ótetin kórinedi.
Ámirhan Almaǵanbetov.
Derekkóz: «Qazaqstan» telearnasy.
Foto: Syrdarya.gov.kz.