Alyp armandy arqalaǵan aksııa

Aqtaý qalasynda sońǵy jyldary qatarǵa qosylǵan qalamen attas  iri saýda ortalyǵy – oıyn-saýyq ke­sheninde kólemdi aksııa ótti. Qazaqstan halqy Assambleıasynyń bastamasymen Otanymyzdyń túkpir-túkpirinen jalǵasyn taýyp kele jatqan aksııa Aqtóbe oblysynan soń onynshy bolyp Mańǵystaý tórinde jalǵasyn tapty. Ul-qyzy, kári-jasy, qazaǵy men qazaq emesi bar 3 myńnan astam adam jıylǵan sharanyń máni – Memleket basshysy N.Nazarbaevtyń bıylǵy Joldaýynda aıtylǵan «Máńgilik El» ıdeıasyna ún qosyp, qoldaý kórsetý boldy. «Máńgilik El» patrıottyq aksııasy Memlekettik tý men «Máńgilik El» jalaýyn jelbirete qala kóshelerin aralaǵan kólikter sherýimen bastalyp, «Aqtaý» saýda úıine atbasyn tiredi. – Álemniń damyǵan 30 eliniń qatarynan óz ornymyzdy alǵan, damyǵan, ósip, órkendegen Qazaq­stan­da ómir súrý árbir qazaqstan­dyqtyń armany. Keshegi baba­lardyń ańsary, erteńgi urpaqtyń taǵdyry. Bizdiń birligimiz bekem, tatý, berekeli bolsaq, Máńgilik El bolý múmkindigimiz zor.  Bul úshin osy bıik maqsatqa jetýge umtylýymyz kerek. «Máńgilik El» ıdeıasy bizdi qaısarlyqqa, ta­bandylyqqa, el namysyn qorǵaýǵa jeteleıdi. Eger bizdiń árqaısymyz  bul ıdeıany jete sezine bilsek, ony ómirlik sabaq etip túısek, onda naǵyz «Máńgilik El» bolǵanymyz, – dedi sharany saltanatty jaǵdaıda ashqan Mańǵystaý oblysy ákiminiń birinshi orynbasary S.Aldashev. Aksııa maqsatyna  mánerlep syrǵanaýshylar muz aıdynynda  óner kórsetýmen qol­daý bildirse, jýyrda Almaty­daǵy respýblıkalyq baıqaýdan júl­demen oralǵan jas hokkeıshilerge medaldar tabystaldy. Al ónerli jastar týǵan jer taqyrybyndaǵy ánderdi shyrqady. Etnomádenı birlestikter men úkimettik emes uıymdar ókilderi, memlekettik organdar basshylary, joǵary jáne kásiptik-tehnıkalyq oqý oryndarynyń oqytýshylary men stýdentteri, ókilderi, ardagerler men  jastar qatysyp, tórt qabatty saýda úıiniń árbir qabatynan júzdegen kórermen tamashalaǵan  aksııada «Vaınah» cheshen-ıngýsh etnomádenı birlestiginiń  ókili M.Lorsanov, ánshi T. Asar sóz alyp, táýelsiz Qazaqstan, «myń ólip, myń tirilgen» Qazaq eli  úshin «Máńgilik El» ıdeıasynyń mán-mańyzy qanshalyqty ekendigin salmaqty da oıly sózderimen jas­tar qulaǵyna quıyp, júrekterine jetkize tústi. Al jastar bolsa, olarǵa jaýap retinde Elbasy ıdeıasyn qoldaıtyndyqtaryn bildirdi.  О́zge ult ókilderi men «Nur Otan» partııasynyń ókilderi, munaıshylar men jastar ókilderi «Tilek kitabyna» aq tilegi órilgen óz qoltańbalaryn qaldyrdy. Aksııa Mańǵystaýdan soń Oral óńirine saltanatty sherý tartty. Birlik pen tirlik tek dybystyq qurylymy jaǵynan uıqas, tań­balanýy jaǵynan uqsas sózder ǵana emes, olar birin-biri is-áreket údesinde tolyqtyryp, berekeniń, be­riktiktiń, baıandylyqtyń uıyt­qysy bolar  ataýlar. Alyp armany bar eldiń basynan baǵy, tó­rinen berekesi, jerinen bazary tarqamaı, tirligine birligi jarasa berse dedik. Gúlaıym ShYNTEMIRQYZY, «Egemen Qazaqstan». Mańǵystaý oblysy. Sýretti túsirgen Serik MAIEMEROV.