Bul týraly Sybaılas jemqorlyqqa qarsy is-qımyl agenttiginiń tóraǵasy Marat Ahmetjanov QR Prezıdenti janyndaǵy OKQ-da ótken brıfıngte málimdedi, dep habarlaıdy Egemen.kz.
Antıkor basshysy aldymen «Astana LRT» isine qatysy bar adamdar týraly suraqqa jaýap berdi.
«Bul suraqqa qysqasha jaýap bereıin, olar halyqaralyq izdeýde. Olar ınterpoldyń baqylaýynda bar. Bizde ustap berý, ekstradısııa barlyq elmen joq. AUSh-tyń GREKO uıymyna kirdik. Bizdiń kelesi josparymyz jemqorlyq jasaǵan adamdardy ustap berý, qaıtarý boıynsha shartty kelisimge qol qoıýdy pysyqtap jatyrmyz. Interpoldaǵy tizimdegi adamdardyń qabyldanýy prokýratýranyń tizimine jatady», dedi Ahmetjanov.
Sondaı-aq brıfıng barysynda Sybaılas jemqorlyqqa qarsy is-qımyl agenttiginiń tóraǵasy Marat Ahmetjanov jýrnalısterdiń suraǵyna jaýap berý kezinde jalaqysy týraly da aıtty.
«Men osy qyzmetke turǵanda da jalaqymdy aıttym. Ol jasyryn emes. Qazir meniń jalaqym 1 mln 200 myń teńgeni quraıdy», dedi ol.