Qyrǵyzstannyń Aýyl sharýashylyǵy mınıstrliginiń «Jaıylym týraly» zań men Jer kodeksine ózgerister men tolyqtyrý engizý týraly usynysy parlamentte qaralyp jatyr. Bul týraly «Jogorký Kenesh» otyrysynda vedomstvo basshysynyń orynbasary Nurlan Sheripov málim etti, dep jazady Egemen.kz.
«Qyrǵyzstan azamattaryna qunarsyz jerlerdi damytý maqsatynda 20 jylǵa jalǵa bergimiz keledi. Elimizde barlyǵy 9,5 mıllıon gektarǵa jýyq jaıylym bar», dedi Nurlan Sheripov.
Al depýtat Irına Karamýshkına eldegi jaıylym jerlerin burynǵy bılikke jaqyn adamdar ıelenip alǵanyn aıtty. Onyń aıtýynsha, olardyń keıbireýlerinde júzdegen gektar jer bar.
«Ýákiletti memlekettik organdardan menshiginde jer telimderi bar memlekettik qyzmetkerlerdiń tizimin jarııalaýdy suraımyn. Halyq jerge kimderdiń ıelik etip otyrǵanyn jáne onda kim jumys isteıtinin bilýi kerek», dedi Irına Karamýshkına.