Qasym-Jomart Toqaev elimizge resmı saparmen kelgen Kıpr Respýblıkasynyń Nıkos Hrıstodýlıdıspen shaǵyn quramda kelissóz júrgizdi, dep habarlaıdy Egemen.kz.
Qasym-Jomart Toqaev Qazaqstanǵa 2019 jyly Nıkos Hrıstodýlıdıstiń kelgenin eske saldy.
«2019 jyly Syrtqy ister mınıstri laýazymyn atqaryp júrgenińizde elimizge kelip, Qazaqstannyń Eýropa Odaǵyndaǵy senimdi dosy ári qoldaýshysy retinde áreket etetinińizdi málimdegen edińiz. Búginde biz aıtarlyqtaı nátıjege qol jetkizdik dep senimmen aıtýǵa bolady. Memleketterimizdiń astanalarynda elshilikterimizdi ashtyq. Eki el arasynda tikeleı áýe reısi iske qosyldy, basqa da birqatar mańyzdy joba júzege asyryldy. Degenmen ekijaqty yqpaldastyqty keńeıtý úshin áleýetimiz jetkilikti dep oılaımyn. О́z tarapymnan kóptegen baǵytta yntymaqtastyǵymyzdy odan ári damytýǵa kúsh salýǵa daıynmyn», dedi Memleket basshysy.
О́z kezeginde Kıpr Prezıdenti Nıkos Hrıstodýlıdıs Kıprden tikeleı qatynaıtyn alǵashqy reıs arqyly kelgenine óte qýanyshty ekenin jetkizdi.
«Sizdiń elińizge Kıprden tikeleı qatynaıtyn alǵashqy reıs arqyly iskerlik delegasııa ókilderimen birge ushyp kelgenime óte qýanyshtymyn. Elderimizdiń áleýeti mol. Búgingi kelissózder ózara yntymaqtastyqty arttyrýǵa septigin tıgizedi dep sanaımyn. Sondaı-aq Qazaqstanǵa basqa laýazymda kelip otyrmyn. Qazirgi ýaqytta elimiz Eýropa Odaǵy Keńesine tóraǵalyq etip jatyr. Atalǵan óńirdiń mańyzyn jáne Qazaqstannyń erekshelikterin eskere otyryp, Eýropa Odaǵy men Qazaqstan arasyndaǵy yqpaldastyqty odan ári ilgeriletý joldaryn talqylaýǵa ázirmin», dedi Nıkos Hrıstodýlıdıs.
Eske salaıyq, Táýelsizdik saraıynda Kıpr Respýblıkasynyń Prezıdentin resmı qarsy alý rásimi ótti.