Táýelsizdik saraıynda elimizge resmı saparmen kelgen Kıpr Respýblıkasynyń Prezıdentin resmı qarsy alý rásimi ótti, dep habarlaıdy Egemen.kz Aqordanyń baspasóz qyzmetine silteme jasap.
Is-shara aıasynda Qasym-Jomart Toqaev pen Nıkos Hrıstodýlıdıs bir birine resmı delegasııa múshelerin tanystyrdy.
Qurmet qaraýyly rotasynyń bastyǵy raport bergen soń Qazaqstan men Kıprdiń ánurandary shyrqaldy.
3 maýsym kúni ótetin kelissózder barysynda prezıdentter saýda-ekonomıkalyq, ınvestısııalyq jáne mádenı-gýmanıtarlyq baılanystarǵa basymdyq beretin ekijaqty yntymaqtastyqty keńeıtý perspektıvasyn talqylaıdy.