Meta kompanııasynyń qyzmetkerleri Instagram jelisindegi hakerler shabýylyna ushyrady. Kıberalaıaqtar paıdalanýshylardyń jeke derekterine jasandy ıntelekt arqyly qol jetkizgen, dep habarlaıdy Egemen.kz.
Naqtyraq aıtsaq, shabýyldaýshylar ózderiniń ornalasqan jeri týraly derekterdi qoldan ózgertip, jasandy ıntellekt arqyly akkaýnttarǵa tirkelgen elektrondyq poshta mekenjaılaryn aýystyrǵan.
Qazirgi ýaqytta shabýyldan qansha akkaýnt zardap shekkeni belgisiz. Alaıda kıbershabýylǵa ushyraǵandardyń qatarynda AQSh-tyń burynǵy prezıdenti Barak Obamanyń da akkaýnty bar.
Kıbershabýyl týraly alǵashqylardyń biri bolyp Meta kompanııasynyń burynǵy qyzmetkeri Djeın Manchýn Vong málimdedi. Onyń aıtýynsha, akkaýntynyń qupııasózi óz kelisiminsiz ózgertilgen. Sondaı-aq ol bir kún boıy qupııasózdi qalpyna keltirý áreketteri týraly habarlamalar alǵanyn aıtqan.
Atyraýlyq hakerge halyqaralyq izdeý jarııalandy
Meta ókili Endı Stoýn máseleniń joıylǵanyn málimdedi.
«Másele sheshildi, qazir biz zardap shekken akkaýnttardy qorǵaý úshin qajetti sharalardy qabyldap jatyrmyz», dedi ol.
Degenmen kompanııa ókili álemdik kóshbasshylardyń akkaýnttary buzyldy degen aqparatty rastaýdan bas tartty.
Eske sala keteıik, buǵan deıin osyndaı kıbershabýyl Spotify strımıngtik servısinde de oryn alǵan bolatyn.