Jýyrda Shyńǵystaýǵa shyǵyp qaıtqanbyz. Mynaý tańbaly tastardy Abaı atamyzdyń dosy ári zamandasy Jırensheniń qystaýy ornalasqan Qońyraýtas mańynan keziktirdik.
Shyńǵystaý – qazaq rýhanııatynyń ǵana emes, kóne órkenıettiń de izi mol saqtalǵan sakraldy keńistik. Bul óńirdiń taý-tasynda qola dáýirinen bastap erte temir, ǵun, saq, túrki kezeńderine deıingi petroglıfter kóptep kezdesedi. Abaı, Shákárim, Muhtar týǵan kıeli taý tasqa qashalǵan tarıhymen de qundy bolsa kerek.
Bul máńgitastar – ejelgi adamdardyń dúnıetanymyn, ǵuryptyq nanym-senimin beıneleıtin poezııa tárizdi. Al akademık Qanysh Sátbaev: «Tańbaly tastar – qazaq halqynyń eń alǵashqy memleketi qalyptasqan kezeńnen jetken, tasqa túsken dala konstıtýsııasy», depti.
Belgııalyq arheolog, petroglıf zertteýshi Deom Jan-Mark bul beınelerge qatysty: «Joǵarǵy bóliginde buǵy beınelengen, tómengi jaǵynda – kún basty adamnyń syzbalyq (syzyqtyq) beınesi kórsetilgen. Bul qola dáýirine tán jádigerler bolsa kerek», deıdi.
Kúnbasty Táńir, múıizdi pyraq, aıaǵy kókke qaraǵan jylqy arǵy dúnıemen baılanysty dese, taýeshki tóre tańba ekeni túsinikti.
Abaı oblysy