О́skemende balalar men jasóspirimder kitaphanasynda Halyqaralyq balalardy qorǵaý kúnine oraı «Dástúr HUB» shyǵarmashylyq keńistigi ashyldy. Oǵan oblys basshysy Nurymbet Saqtaǵanov arnaıy at basyn burdy.
Jobanyń atalǵan kitaphana bazasynda júzege asýy kezdeısoq emes. Prezıdent Qasym-Jomart Toqaev oqý mádenıetin damytý men oqyrman ult qalyptastyrýdyń mańyzyn únemi atap ótip keledi. Búginde kitap bilim kózi ǵana emes, oılaý qabiletin damytýdyń, dúnıetanymdy keńeıtýdiń, aqparatty óz betinshe saralaı bilýdiń mańyzdy quraly sanalady.
– El erteńi osy balalar. Al kitaphana el erteńiniń berik irgesin qalyptastyratyn birden-bir rýhanı orta. Búgingi mereke qarsańynda «Dástúr HUB» shyǵarmashylyq keńistiginiń ashylýymen barshańyzdy quttyqtaımyn. Jastarymyzdyń bas qosatyn, oı jarystyratyn ortasy bolary sózsiz, – dep izgi nıetin bildirdi oblys ákimi Nurymbet Saqtaǵanov.
Iá, Shyǵys Qazaqstanda bul baǵyttaǵy jumystarǵa erekshe kóńil bólinip jatyr. О́ńirde balalar men jastar sapaly bilim alyp qana qoımaı, synı oılaýǵa, suraq qoıa bilýge, jaýap izdeýge, ulttyq mádenıet jáne dástúrmen baılanysyn nyǵaıtýǵa jaǵdaı jasaýǵa basymdyq berilgen.
Jańa «Dástúr HUB» ortalyǵy birneshe baǵytty toǵystyrady. Munda kitap oqý, shyǵarmashylyq, ulttyq mura jáne zamanaýı tehnologııalar bir keńistikte úılesim tapqan.
Keńistiktiń basty nyshany qazaq halqynyń mádenıetin aıshyqtaıtyn kıiz úı. Alaıda ulttyq qundylyqtar munda zamanaýı formatta usynylady. Mýltımedııalyq tehnologııalar, ınteraktıvti sheshimder jáne jasandy ıntellekt elementteri arqyly kelýshiler qazaq halqynyń tarıhyn, salt-dástúri men mádenıetin jańa qyrynan tanyp bile alady.
Kıiz úıdiń ár bólshegi ózindik tarıh. Arnaıy QR-kodtar arqyly qonaqtar ulttyq oıý-órnekterdiń máni, turmystyq buıymdardyń ereksheligi, kıiz úıdiń sımvolıkasy týraly beınematerıaldardy tamashalaı alady. Erekshe oryn kitapqa berilgen. Munda ádebı kezdesýler, shyǵarmashylyq sheberlik sabaqtary, bilim baǵdarlamalary, ashyq pikirtalastar men balalar jáne jasóspirimderge arnalǵan ınteraktıvti is-sharalar ótkizý josparlanyp otyr.
Sonymen qatar «Dástúr HUB» podkastar jazýǵa, beınekontent ázirleýge, shyǵarmashylyq jobalardy júzege asyrýǵa, zamanaýı sıfrlyq tehnologııalardyń kómegimen qazaq tilin úırenýge arnalǵan alań bolmaq.
Ashylý kúni kitaphana aýmaǵy úlken otbasylyq merekege aınaldy. Qonaqtarǵa «Kógaldaǵy oqý zaly», «Altyn saqa» ulttyq oıyndar alańy, jas sýretshilerge arnalǵan shyǵarmashylyq aımaq, taqyryptyq fotozonalar, sheberlik sabaqtary, ınteraktıvti alańdar jáne «Karton qalashyǵy» uıymdastyryldy.
О́SKEMEN