Májilis «Qazaqstan Respýblıkasyndaǵy kedendik retteý týraly» kodekske ózgerister men tolyqtyrýlar engizý týraly zań jobasyn birinshi oqylymda maquldady. Qujat ulttyq zańnamany Eýrazııalyq ekonomıkalyq odaqtyń Keden kodeksi týraly shartqa engiziletin túzetýlerge sáıkes keltirýge baǵyttalǵan.
Jańa zań jobasy aıasynda elektrondyq saýda taýarlaryn jeke sanatqa bólý kózdelip otyr. Sonymen qatar qujat elektrondyq saýda operatorlarynyń qyzmeti úshin quqyqtyq negiz qalyptastyrmaq.
Olardyń fýnksııalaryna jeke tulǵalardyń Internet-alańdarda taýarlardy satyp alý jónindegi operasııalarynyń logıstıkasyn qamtamasyz etý, sondaı-aq kedendik deklarasııalaý jáne elektrondyq saýda taýarlaryn saqtaý prosesteriniń saqtalý máseleleri boıynsha Internet-alańdarmen jáne keden organdarymen ózara is-áreketti júzege asyrý kiredi.Budan bólek, túzetýlermen Eýrazııalyq ekonomıkalyq odaqqa múshe memleketterdegi elektrondyq saýdany quqyqtyq retteýdi jetildirý kózdeledi.
Eske sala keteıik, búgin Astanada Parlament Májilisiniń jalpy otyrysy ótip jatyr. Elimizde alǵash ret qylmystyq raqymshylyqpen qatar ákimshilik raqymshylyq júrgizilmek.