Astanada Parlament Májilisiniń jalpy otyrysy ótip jatyr. Jıynda birqatar mańyzdy zań jobalary qaralady, dep habarlaıdy Egemen.kz.
Depýtattar birinshi oqylymda Qazaqstannyń jańa Konstıtýsııasyn qabyldaýǵa baılanysty raqymshylyq jasaý týraly zań jobasyn, sondaı-aq osy máselege qatysty «Atqarýshylyq is júrgizý jáne sot oryndaýshylarynyń mártebesi týraly» zańǵa jáne Ákimshilik quqyq buzýshylyq týraly kodekske engiziletin ózgeristerdi talqylaıdy.
Sonymen qatar birinshi oqylymda kedendik retteý máseleleri boıynsha túzetýler, bal ara sharýashylyǵyn damytýǵa baǵyttalǵan zań jobasy qaralady.
Ekinshi oqylymǵa notarıattyq qyzmet, psıhologııalyq qyzmet, tehnıkalyq jáne kásiptik bilim berý júıesin jetildirý, halyqtyń kóshi-qony, topyraqty qorǵaý jáne jergilikti memlekettik basqarý máselelerine qatysty zań jobalary shyǵarylǵan.
Budan bólek, depýtattar radıoaktıvti qaldyqtarmen jumys isteý týraly zań jobasyn jáne osy salaǵa qatysty birqatar zańnamalyq túzetýlerdi qaramaq.
Eske sala keteıik, Májilis buǵan deıin mashına jasaý, notarıattyq qyzmet pen Salyq kodeksine qatysty birqatar zań jobalaryn qabyldaǵan bolatyn.