Amangeldi aýylyndaǵy A.Imanov atyndaǵy memorıaldyq mýzeıde Torǵaı óńiriniń arǵy-bergi tarıhyna qatysty 5800-den asa jádiger saqtaýly tur. Sonyń ishinde Amangeldi batyrdyń bala kezinde jatqan tósegi de bar. Qundy jádiger batyrdyń anasy Qalampyrdan qalǵan.
HIH ǵasyrda belgisiz sheberdiń qolynan shyqqan tósektiń jaqtaýy sol dáýirge tán oıý-órnekpen naqyshtalǵan.
«Bul tósekaǵashtyń tósenishi, kórpe-jamylǵysy, aǵashtan jasalǵan jastyǵy túgel saqtalǵan. Astyńǵy tósenishi qalyń qamystan jasalǵan. Bul bizge ótken ǵasyrdyń 70-jyldary oblystyq tarıhı-ólketaný murajaıynan kelgen», deıdi mýzeıdiń qor saqtaýshysy Dana Seıdaǵalıeva.
Tósekaǵashtyń ústinde shaǵyn qalaq dombyra bar. Janynda batyrdyń urpaqtaryna tıesili jelbegeı, Amangeldiniń nemere inisi Rahymqul Esetaıulynan alynǵan qalyń shapan, Torǵaıdaǵy ult-azattyq kóteriliste myńbasy bolǵan Áljan Qarabaıulynyń kise belbeýi ilýli tur.
Qostanaı oblysy