Premer-mınıstr Oljas Bektenov ótkizgen Kazakh Tourism Development Ltd kompanııasy dırektorlar keńesiniń otyrysynda Almaty taý klasterin damytý máseleleri qaraldy. Atalǵan kompanııanyń bas atqarýshy dırektory Erjan Erkinbaev Almaty Superski jobasyn júzege asyrýdyń qazirgi jaı-kúıi týraly baıandady, dep habarlaıdy Egemen.kz.
Úkimettiń baspasóz qyzmetiniń málimdeýinshe, jıynda jobanyń negizgi nysandaryn jobalaý jáne salý máseleleri boıynsha birqatar sheshim qabyldandy. Atap aıtqanda, ashyq konkýrs sheńberinde aspaly joldar salý, ǵımarattardyń konstrýksııalyq jobalanýy jáne ózge de baǵyttar boıynsha halyqaralyq jetekshi kompanııalar aıqyndaldy. Osylaısha, Almaty Superski jobasy daıyndyq kezeńinen naqty júzege asyrý satysyna ótti.
11 aspaly joldyń qurylysyn qamtıtyn jumystar keshenin oryndaýǵa merdiger anyqtaý maqsatynda aspaly jol óndirýshileri arasynda ashyq konkýrs ótkizildi. Halyqaralyq PGI, Hill International jáne DCSA keńesshileri táýelsiz baqylaý júrgizdi.
Aıda Balaeva: Almaty Superski taýdaǵy týrızmdi damytýdyń úlgisine aınalýǵa tıis
Tańdaý – fransýz kompanııasyna tústi11 zamanaýı aspaly jol salý úshin aspaly kólik júıelerin jobalaý, óndirý jáne paıdalaný salasyndaǵy álemdik kóshbasshylardyń biri – POMA fransýz kompanııasy tańdaldy. Kompanııa 1936 jyldan beri jumys istep keledi jáne álemniń 90 elinde 8 myńǵa jýyq jobany júzege asyrǵan. Kompanııanyń tehnologııalyq sheshimderi álemdegi jetekshi taý shańǵysy kýrorttary men qalalyq kólik jelilerinde keńinen qoldanylyp, qaýipsizdik, senimdilik jáne ekologııalyq turaqtylyq salasyndaǵy halyqaralyq talaptarǵa tolyq sáıkes keledi. Almaty Superski jobasy aıasynda 3S júıesindegi gondolaly aspaly joldar, 10 oryndyq gondolaly jeli jáne kresloly kótergishter sekildi túrli tıptegi aspaly joldar salý josparlanǵan.
Kanada kompanııasymen yntymaqtastyqJobada halyqaralyq sáýlet bıýrosy Foster + Partners ázirlegen tujyrymdamanyń mańyzdy elementi bolyp sanalatyn zamanaýı aǵash konstrýksııalardy paıdalaný kózdelgen. Konstrýksııalardy jobalaý men óndirýdiń sapasyn qamtamasyz etý úshin búkil álem boıynsha biregeı nysandardy júzege asyrýda aıtarlyqtaı tájirıbesi bar jappaı aǵashtan jasalǵan ınjenerlik sheshimder salasyndaǵy jetekshi álemdik kompanııalardyń biri StructureCraft (Kanada) kompanııasymen yntymaqtastyq týraly sheshim qabyldandy.
Jobany basqarýdy shoǵyrlandyrý úshin qurylysty daıyndaýǵa jáne keıinnen júzege asyrýǵa Hill International (AQSh) kompanııasy tartyldy, ol jobalaýdy, qurylysty úılestirýdi, jumys kestesin saqtaýdy jáne taǵy da basqalaryn qamtamasyz etedi.
Almaty taý klasteriniń áleýeti joǵary: Halyqaralyq mamandar pikiri bir arnada toǵysty
Premer-mınıstrdiń birqatar tapsyrmalaryOtyrys qorytyndysy boıynsha Premer-mınıstr Oljas Bektenov jobalaý merzimi men sapasyna qatań baqylaýdy, qaýipsizdik pen ekologııalyq jaýapkershiliktiń halyqaralyq standarttaryn saqtaýdy qamtamasyz etýdi tapsyrdy. Almaty Superski jobasyn júzege asyrý taý klasteriniń áleýetin ashýǵa múmkindik beredi, týrıstik salanyń damýyna eleýli serpin beredi jáne qyzmet kórsetý salasy men sabaqtas salalarǵa keń mýltıplıkatıvtik áser etedi. Qala turǵyndary men qonaqtary úshin qoljetimdi ári qaýipsiz týrıstik ınfraqurylymdy qalyptastyrýǵa basymdyq berilgen.
Bekitilgen kestege sáıkes alańda qurylys jumystary bastaldy. «Almaty Superski» taý shańǵysy kýrortynyń iske qosylýy 2028 jylǵy jeltoqsanǵa josparlanǵan.