Qazaqstannyń bes óńirinde daýyldy eskertý jarııalandy, dep habarlaıdy Egemen.kz «Qazgıdromet» RMK-ǵa silteme jasap.
Kúndiz Aqtóbe oblysynyń batys, ońtústik-batysynda kóktaıǵaq kútiledi. Ońtústik-shyǵystan soqqan jel oblystyń ońtústik-batysynda jáne ortalyǵynda 15-20 m/s ekpini saqtalady.
Atyraý oblysynyń soltústiginde, shyǵysynda jáne ortalyǵynda tuman túsip, kóktaıǵaq bolady.
Jambyl oblysynyń soltústiginde, taýly jáne taý bókterindegi aýdandarynda tuman túsedi. Oblystyń ońtústik-batysy men soltústik-shyǵysynda jáne taýly aýdandarda 15-20 m/s jel soǵady, ekpini 23-28 m/s jetedi.
Batys Qazaqstan oblysynyń soltústiginde, soltústik-batysynda burqasyn, kóktaıǵaq kútiledi. Shyǵys, soltústik-shyǵystan jel soǵady, oblystyń ońtústik-shyǵysynda ekpini 15-20 m/s jetedi.
Túrkistan oblysynyń ońtústik-batysynda, taý bókterinde tuman túsedi. Oblystyń soltústiginde shańdy daýyl turady. Shyǵys, ońtústik-shyǵystan soltústikte, oblystyń taýly aýdandarynda jel 15-20 m/s kúsheıedi.