Qazaqstan Táýelsizdiginiń 30 jyldyǵyna oraı Almaty qalalyq kitaphanalaryna halyqaralyq «TÚRKSOI» uıymy shyǵarǵan kitap-albomdar tartý etildi, dep habarlaıdy Egemen.kz.
Elimizdiń ulyq merekesi qarsańynda «Almaty sreativ hub» ǵımaratynda Túrkııadan arnaıy ákelingen qazaq klassık aqyn-jazýshylarynyń 24 kitap-albomdarynyń 2000-ǵa jýyq danasy Almaty qalasynyń kitaphanalaryna syıǵa berildi.
Kitap-albomdardyń ishinde úsh tilde jarııalanǵan: «Abaı», «Úsh Arys», «Oljas Sýleımenov», «Shyńǵys Aıtmatov», «Qalam men qaǵazdyń mahabbaty» jáne t.b. kitaptar bar.
Saltanatty is-sharaǵa «TÚRKSOI» uıymyndaǵy Qazaqstan Respýblıkasynyń ókilderi men shyǵarmashyl zııaly qaýym qatysty.