Mańǵystaý oblysynyń Shetpe - Saı-О́tes tasjolynda soqqan daýyldyń saldarynan «Gazel» markaly eki kólik aýdarylyp qaldy, dep habarlaıdy Egemen.kz.
8 jeltoqsan kúni saǵat 23:10-da «102» nómirine Shetpe - Saı-О́tes tasjolynda «Gazel» markaly eki kóliktiń aýdarylyp qalǵany týraly habar túsken.
«Oqıǵa ornyna patrýldik polısııa rotasy jóneldi. Oqıǵa saldarynan zardap shekkender anyqtalǵan joq. Kólikterge traktormen kómek kórsetildi», dep túsindirdi polısııa qyzmetkerleri.
Tártip saqshylary júrgizýshilerden jolda abaı bolýdy, daýyldy eskertý jasalǵan kezde kólikke otyrmaýdy suraıdy.
Keshegi daýyl saldarynan Jetibaı-Shetpe tasjolynyń 96-101 shaqyrymynda kólik keptelisi týyndaǵan.
Aıta ketsek, Mańǵystaý oblysy aýmaǵynda eki kúnnen beri shańdy daýyl men qatty jel soǵyp tur.