Qalıbek Qýanyshbaev atyndaǵy Memlekettik akademııalyq qazaq mýzykalyq drama teatrynda ózbek kınosy kúnderiniń saltanatty ashylýy ótti. О́zbekstan Prezıdenti Shavkat Mırzııoevtiń Qazaqstanǵa memlekettik sapary barysynda uıymdastyrylǵan mádenı is-sharaǵa О́zbekstannyń belgili kınorejısserleri men akterleri qatysty.
О́zbekstannyń kınematografıster delegasııasyn «О́zbekkıno» ulttyq agenttiginiń bas dırektory Fırdavs Abdýhalıkov bastap keldi. Alqaly jıynǵa Qazaqstan tarapynan Mádenıet jáne sport mınıstri Aqtoty Raıymqulova, Mádenıet jáne sport mınıstrligi Mədenıet komıtetiniń tóraǵasy Aqan Ábdýalıev, «Qazaqfılm» kınostýdııasynyń prezıdenti Aqan Sataev, sondaı-aq elimizdiń kıno óneriniń kórnekti qaıratkerleri qatysty.
Jıynda sóz alǵan Aqtoty Raıymqulova kópshilikti О́zbek kınosy kúnderiniń ashylýymen quttyqtady.
«Qazaq pen ózbek halyqtarynyń mádenı baılanysynyń tamyry tereńde jatyr. Bizdiń ótken shaǵymyz ortaq, rýhanı muramyz da orasan. Tilimiz, dinimiz, dilimiz bir. Osy ótkizilip otyrǵan shara – osynyń bir aıǵaǵy. О́zbek mádenıeti men óneri, ásirese, kıno óneri qazaqstandyqtar arasynda keńinen tanymal. О́zbek teleserıaldary bizdiń kórermen úshin etene tanys. Úsh kún boıy, ıaǵnı, jeltoqsannyń altysy men segizi aralyǵynda biz úshin О́zbekstan kınosynyń zamanaýı týyndylarymen tanysý múmkindigi týyp otyr. О́zbek fılmderi kınoteatrlarda ǵana emes, respýblıkalyq telearnalarda da kórsetiletin bolady», dedi mınıstr.
Sonymen qatar «О́zbekkıno» ulttyq agenttiginiń bas dırektory Fırdavs Abdýhalıkov aldaǵy ýaqytta baýyrlas eki el arasynda, ortaq jobalardy júzege asyrýǵa nıetti ekenin jetkizdi.
«Is-shara О́zbekstan Prezıdentiniń Qazaqstanǵa kelýine oraı ótkizilip jatyr. Búgingi tańda О́zbekstan kınematografııacy qazaqstandyq kıno salasyna ortaq jobalar jaıly usynys jasaı alatyndaı dárejede ekenin maqtanyshpen aıtamyz. О́zbekstan tarapynan baýyrlas eki eldiń dostyǵyn beıneleıtin «Mıros» jáne «Abaı» atty eki fılmdi usynyp otyrmyz. Jas mamandarymyz da tájirıbe almasýǵa daıyn. Búgin «Shabyt» ulttyq óner akademııasynda qonaqta boldyq. Atalǵan oqý ornynda bolashaq mamandarǵa barlyq jaǵdaı jasalǵanyn kórdik», dedi Fırdavs Abdýhalıkov.