Takeda Pharmaceutical Company Limited (Takeda) jahandyq bıofarmasevtıkalyq kompanııasynyń enshiles uıymy bolyp tabylatyn «Takeda Qazaqstan» kompanııasy sırek kezdesetin jáne ómirge qaýip tóndiretin aýrýdy – tuqym qýalaıtyn angıonevrotıkalyq isinýdi (TQAI) emdeýge arnalǵan S1-esteraza ıngıbıtory ınnovasııalyq preparatyn Qazaqstandyq naryqqa shyǵardy, dep jazady Egemen.kz.
Preparat sırek kezdesetin aýrýlardy emdeýge arnalǵan dárilik zattar tizimine kiredi. Qazaqstandyq pasıentter preparatty emdeýshi dárigerdiń taǵaıyndaýy boıynsha qoldana alady. 240 jyl boıy qyzmet etip kele jatqan Takeda kompanııasynyń negizgi maqsattarynyń biri pasıentterdiń ómir súrý sapasyn jaqsartý. Qazaqstanda Takeda sırek kezdesetin aýrýlary bar pasıentterdiń ınnovasııalyq terapııaǵa qoljetimdiligin arttyrýǵa kúsh salady. Biregeı preparatty Qazaqstan Respýblıkasynyń satý naryǵyna tirkeý – kompanııanyń pasıentterge kórsetken joǵary qamqorlyǵy. «TQAI dárilik terapııasyn biz 25 jyldan beri jumys istep kele jatqan Qazaqstan naryǵyna shyǵarý Takeda kompanııasynyń kópjyldyq saıasatynyń jalǵasy bolyp tabylady. Biz Qazaqstandyq pasıentterdi álemdik tájirıbemen tekserilgen ınnovasııalyq terapııamen qamtamasyz etýge jáne azamattarymyzdy emdeý jolynda dáriger men memleketke seriktes bolýǵa tyrysamyz. Takeda ósip kele jatqan jáne damýshy naryq retinde Qazaqstanǵa basym nazar aýdarady, sondaı-aq emdeý ádisteri az nemese terapııasy múlde joq sırek kezdesetin aýrýlarmen aýyratyn pasıentterdiń qajettilikterin qanaǵattandyrý úshin barlyq kúsh-jigerin salady», dedi «Takeda Qazaqstan» dırektory Sabıra Salyhova. Klınıkalyq zertteýlerdiń derekterine sáıkes preparat barlyq baǵytta – TQAI aldyn alý rejıminde, aýrýdyń emshara aldyndaǵy (stomatologııalyq nemese basqa medısınalyq) jáne operasııa aldyndaǵy profılaktıkasynda, sondaı-aq emdelýshilerdiń ártúrli toptarynyń (2 jastan asqan balalar, eresekter jáne júkti áıelder) TQAI ustamalaryn jedel emdeý kezinde óziniń joǵary tıimdiligin kórsetti. Preparattyń qolaıly qaýipsizdik profıli bary jáne jaǵymdy bolýy da mańyzdy.
«AQSh pen EO elderin qosa alǵanda, álemniń kóptegen elderinde maquldanyp, qoldanylatyn osy terapııanyń paıda bolýy Qazaqstandyq pasıentter úshin ómir sapasyn edáýir jaqsartý, jumysqa, oqýǵa jáne demalysqa sergek kirisýge múmkindik bildiredi. Tuqym qýalaıtyn angıonevrotıkalyq isiný – bul bastapqy ımmýn tapshylyǵy, ol GKS jáne antıgıstamındermen toqtaý múmkindigi tómen aýyr, kóbinese ómirge qaýipti isinýler túrinde bolady. Bul aýrýdy erte dıagnostıkalaý problemaly bolyp tabylady. Osy kórsetkish boıynsha, sońǵy ýaqytta 19 pasıent anyqtaldy, biraq epıdemıologııalyq málimetter boıynsha kem degende 600 pasıent boljalǵan. Bul pasıentterdiń ómirine únemi qaýip tónip turady. Respýblıkada S1 ıngıbıtor preparatyn tirkeý bizdiń pasıentterge belsendi ómir súrýge múmkindik berdi. Preparattyń joǵary tıimdiligi, joǵary qaýipsizdik profıliniń bolýy jáne pasıentti emdeýdiń barlyq kezeńderinde qoldaný múmkindigi qýantady», deıdi Qazaq ımmýnodefısıtter qoǵamy ımmýnologtary qaýymdastyǵynyń tóraǵasy, medısına ǵylymdarynyń doktory, professor Elena Fıodorovna Kovzel.
Tuqym qýalaıtyn angıonevrotıkalyq isiný (TQAI) ómirge qaýipti aýrý bolyp tabylady. 2020 jylǵy resmı statıstıkaǵa sáıkes álemniń 56 elinde TQAI aýrýymen aýyratyn 2568 otbasy bolǵan.