Jeńil salmaq dárejesindegi álemniń absolıýtti chempıony, ırlandııalyq Ketı Teılorǵa ese jibergen qazaqstandyq kásipqoı boksshy Fırýza Sharıpovanyń atalmysh jekpe-jekten qansha tabys tapqany belgili boldy, dep habarlaıdy Egemen.kz.
Derekterge sensek, Ulybrıtanııanyń Lıverpýl qalasynda ótkizgen shaıqasy úshin qazaqstandyq kásipqoı boksshy kem degende 100 myń dollar tabys tabady eken. Bul – kepildi soma.
Esterińizge sala keteıik, 10 raýndtyq formatta ótken kezdesýde Ketı Teılor ózine tıesili tórt belbeýdi de sátti qorǵap, otandasymyzdan aılasyn asyrǵan bolatyn. Degenmen mamandar Fırýzanyń osy shaıqasta jaqsy judyryqtasqanyn aıtyp jatyr.