Qazaqstan arýlary arasynan shyqqan kásipqoı bokstaǵy tuńǵysh álem chempıony Fırýza Sharıpova jeńil salmaqtaǵy álemniń absolıýtti chempıony Ketı Teılormen ótken jekpe-jektegi tóreshiler sheshimimen kelispeıtinin málimdedi, dep habarlaıdy Egemen.kz.
«Dostar, Ketı Teılorǵa qarsy ótken shaıqastaǵy tóreshilerdiń sheshimimen kelispeıtinimdi habarlaımyn. Sondyqtan da qarymta kezdesý ótkizýge bar kúshimdi salamyn. Men Ulybrıtanııa tórinde teń dárejede judyryqtastym. Qazaqstannyń namysyn halyqaralyq deńgeıde oıdaǵydaı qorǵaı bildim. Qoldaý kórsetken barlyqtaryńyzǵa zor alǵysymdy bildiremin», dep jazdy sportshy óziniń áleýmettik jelilerdegi paraqshalarynda.