Bul týraly QR Aýyl sharýashylyǵy mınıstri Erbol Qarashókeev Úkimet otyrysynda baıandady, dep jazady Egemen.kz.
Mınıstr málimetinshe 2021 jyldyń 9 aıynda agroónerkásiptik keshen ónimderi eksportynyń kólemi 2,6 mlrd AQSh dollardy quraǵan.
«Eksporttalatyn ónim kólemin ulǵaıtý maqsatynda mınıstrlik óńdelgen ónim eksportyna basymdyq bere otyryp, aýyl sharýashylyǵy óniminiń eksporttyq áleýetin damytý boıynsha josparly jumys júrgizýde. 2021 jyldyń 9 aıynda agroónerkásiptik keshen ónimderi eksportynyń kólemi 2,6 mlrd AQSh dollaryn qurap, 2020 jyldyń osyndaı kezeńimen salystyrǵanda 14,3%-ǵa ósti (2020 jyldyń 9 aıynda – 2,2 mlrd AQSh dollary)», dedi E. Qarashókeev.
Onyń aıtýynsha, óńdelgen agroónerkásiptik keshen ónimderi eksportynyń kólemi 950,5 mln AQSh dollaryn qurady, bul 2020 jyldyń osyndaı kezeńinen salystyrǵanda (928,5 mln. AQSh dollary) 2,4%-ǵa joǵary.
«Agroónerkásiptik keshen ónimderi eksportynyń qurylymynda óńdelgen ónim eksportynyń úlesi 37%-dy qurady», dedi mınıstr.