Soltústik Qazaqstan oblysynyń ákimi Qumar Aqsaqalovtyń ókimimen orynbasary bolyp Tımýr Sultanǵazıev taǵaıyndaldy, dep habarlaıdy Egemen.kz.
Prezıdent Ákimshiliginiń kelisimimen jáne SQO ákimi Qumar Aqsaqalovtyń ókimimen búginnen bastap Tımýr Sultanǵazıev oblys ákiminiń orynbasary qyzmetine taǵaıyndaldy. Jańa orynbasar ekonomıka, jumyspen qamtýdy úılestirý men memlekettik baǵdarlamalar, densaýlyq saqtaý, eńbek ınspeksııasy, dene shynyqtyrý men sport salasyna jetekshilik etetin bolady.
Tımýr Sultanǵazıev 1982 jyly Almaty oblysynda dúnıege kelgen. Qazaq ulttyq medısınalyq ýnıversıtetin hırýrg-dáriger mamandyǵy boıynsha bitirgen.
Sondaı-aq AQSh-ta Tıýleın ýnıversıtetinde (Tulane University) densaýlyq saqtaý júıesiniń menedjeri mamandyǵyn alyp shyqty.
Eńbek jolyn 2006 jyly Astanadaǵy №1 qalypty anatomııa kafedrasynyń zerthanashysy bolyp bastaǵan.
2010-2013 jyldary Astana qalasynda «Ulttyq medısınalyq holdıng» AQ túrli qyzmetter atqardy.
2013-2014 jyldary medısınalyq tehnologııalar jáne aqparattyq júıeler ortalyǵynyń prezıdenti boldy.
2014-2016 jyldary «Medicare» JShS bas dırektorynyń orynbasary boldy.
2016 jyly QR densaýlyq saqtaý jáne áleýmettik damý mınıstrliginiń respýblıkalyq densaýlyq saqtaý ortalyǵy bas dırektorynyń orynbasary qyzmetin atqardy.
2016 jyldan 2018 jylǵa deıin densaýlyq saqtaý mınıstrliginde jobalardy basqarý departamentiniń dırektory bolyp jumys istedi.
2018-2020 jyldary SQO densaýlyq saqtaý basqarmasyn basqardy.
2020 jyly QR densaýlyq saqtaý mınıstrliginiń taýarlar men qyzmetterdiń sapasy men qaýipsizdigi komıtetiniń tóraǵasy laýazymynda boldy.