Jeńil salmaq dárejesindegi álemniń absolıýtti chempıony Ketı Teılorǵa ese jibergennen keıin qazaqstandyq kásipqoı boksshy Fırýza Sharıpova ırlandııalyq boksshymen sharshy alańda qaıta kezdeskisi keletini týraly aıtqan bolatyn, dep habarlaıdy Egemen.kz.
Sonymen Fırýza Sharıpova jańa jyldan keıin kimderge qarsy sharshy alańǵa shyqqysy keledi? Jospary qandaı? Bul týraly onyń menedjeri Sergeı Zavıleıskıı aıtyp berdi.
«Álbette, Teılormen qarymta kezdesý ótkizýdiń mańyzy zor. Sol baǵytta jumys isteımiz. Odan bólek Sofıa Ochıgavaǵa qarsy sharshy alańǵa shyǵarýǵa tyrysamyz. Fırýza úlken jekpe-jekterge shyqqysy keledi. Ol óziniń shyn máninde myqty ekenin kórsete bildi.
Teılordyń jaıdan-jaı qarymta kezdesý ótkizýge múmkindik bermeıtini anyq. О́ıtkeni Fırýzanyń qaýipti qarsylas ekenin túsindi. Sondyqtan da Fırýzany onyń mindetti qarsylasy etý jolynda eńbektenemiz», deıdi menedjer.