Bul týraly onlaın brıfıngte Nur-Sultan qalasy TJD Memlekettik órt baqylaý basqarmasynyń bastyǵy azamattyq qorǵaý podpolkovnıgi Erkin Otarǵalymuly málimdedi, dep jazady Egemen.kz.
«Osy jyly qala aýmaǵynda 674 órt faktisi tirkeldi. О́rtterden 18 adam jaraqat alyp, 11 adam mert boldy. О́rtten kelgen materıaldyq shyǵyn 179 mln teńgeden astam somany qurady. Ol órtke qarsy qyzmet bólimshelerimen avarııalyq-qutqarý jáne kezek kúttirmeıtin jumystardy júrgizý barysynda 375 mln teńgeden astam turatyn materıaldyq qundylyqtar saqtalyp qaldy», dep atap ótti ol.
Statıstıkalyq málimetterge sáıkes órtterdiń 48%-y nemese 308 órt oqıǵasy turǵyn úı sektoryna tıesili. Atap aıtqanda, jeke úılerde 203, kóppáterli turǵyn úılerde 70 órt tirkeldi.
«Saıajaı jáne basqa da turǵyn úılerde 35 órt faktisi tirkeldi. Bul kórsetkish byltyrmen salystyrǵanda 4%-ǵa ósip otyr», dedi Erkin Otarǵalymuly ákimdiktiń Facebook paraqshasynda ótken onlaın brıfıngte.