Májilistiń jalpy otyrysynda Qarjy naryǵyn retteý jáne damytý agenttiginiń tóraıymy Mádına Ábilqasymova erli-zaıyptylardyń zeınetaqy jınaqtaryn biriktire alatyndyǵyn aıtty, dep jazady Egemen.kz.
Agenttik tóraǵasy zań jobasynda jınaqtaýshy saqtandyrýdy damytý úshin jańa áleýmettik mańyzdy saqtandyrý ónimderin engizý kózdeletinin aıtqan bolatyn.
«Birlesken erli-zaıypty zeınetaqy anıýteti erli-zaıyptylardyń nemese jaqyn týystarynyń zeınetaqy jınaqtaryn biriktirýge múmkindik beredi. Eger erli-zaıyptylardyń birinde zeınetaqy jınaǵy jetpeı, al ekinshisinde artyq bolsa, olar zeınetaqy jınaqtaryn birge qosyp, zeınetaqy anıýtetin satyp alady», dedi Mádına Ábilqasymova.
Sonymen qatar tólemderdi ómir boıy alýǵa múmkindik bar.