AQSh-ta koronavırýstan qaıtys bolǵandar sany 800 myńnan asty, dep habarlaıdy Egemen.kz.
Djons Hopkıns ýnıversıtetiniń málimeti boıynsha, AQSh-ta koronavırýsqa baılanysty aýrý men ólim-jitimniń sany kún saıyn ósip, 800 343 jaǵdaıǵa jetti. Bul - álemdegi eń joǵary kórsetkish.
Sonymen, álemniń ártúrli elderindegi koronavırýs ınfeksııasyn baqylaıtyn halyqaralyq Worldometer resýrsynyń málimeti boıynsha, AQSh-ta pandemııa bastalǵaly beri aýrýdyń saldarynan 821 335 adam qaıtys boldy.
AQSh álem halqynyń shamamen 4 paıyzyn qurasa, pandemııa bastalǵannan beri koronavırýstan bolǵan 5,3 mıllıon ólimniń shamamen 15 paıyzy osy elde tirkeldi. AQSh-ta koronavırýstan qaıtys bolǵandar sany Ekinshi dúnıejúzilik soǵysta qaıtys bolǵan amerıkalyqtardyń sanyn eki esege arttyrdy.
AQSh prezıdenti Djo Baıden seısenbi kúni keshke osy aýyr kezeń týraly málimdeme jasady.
«COVID-19 saldarynan qaıtys bolǵan 800 000 adamdy jáne olardyń ómirin eske alamyz jáne olardyń artynda qalǵandar úshin duǵa etemiz. Men barlyq amerıkalyqtardy elimizdiń qaýipsizdigin saqtaýǵa, patrıottyq paryzdy oryndaýǵa shaqyramyn», dedi prezıdent.