Amazon qyzmetteri men Twitch platformasyn qoldanyp júrgen birqatar elderdiń paıdalanýshylary tanymal ınternet-resýrstardyń isten shyǵýyna baılanysty narazylyq bildirdi, dep habarlaıdy Egemen.kz.
Downdetector málimetteri boıynsha, AQSh, Ulybrıtanııa, Kanada, Germanııa, Fransııa jáne Ispanııa elderindegi paıdalanýshylar Amazon jáne oǵan tıesili saıttardyń jumysyna shaǵymdanǵan. Twitch jumysyndaǵy aqaýlarǵa reseılik paıdalanýshylardyń da ókpesi qara qazandaı.
Amazon, Amazon Web Services jáne Twitch paıdalanýshylarynyń kópshiligi saıttardyń jumysyna jáne serverge qosyla almaǵandary úshin shaǵymdanǵan. Sonymen qatar, Amazon-da tapsyrystardy tóleý jáne rastaý máselesinde de qosymshanyń jumysynda aıtarlyqtaı qıyndyqtar týyndaǵan.