Serbııa astanasy Belgrad qalasynda ótken álem chempıonatynda jasyndaı jarqyrap kúmis medal ıelengen, mamandar «Qazaq Lomachenkosy» atap ketken Mahmud Sabyrhan aldaǵy jylǵa arnalǵan jospary jaıly áńgimeledi, dep habarlaıdy Egemen.kz Olympic.kz-ke silteme jasap.
«Eresekter arasyndaǵy álem chempıonatynda kúmis júlde buıyrdy. Álbette, men altyn júldemen oralýdy armandaǵan bolatynmyn. Alaıda Belgrad tórinde ol armanym oryndalmady. Áıtkenmen sol kúmisti altynǵa aınaldyrý jolynda ter tógýge ázirmin. Endi men bolashaqta úlken jetistikterge jetý úshin burynǵydan eki ese eńbektenemin. Kelesi jyldyń basty alamany – Azııa oıyndary. Qytaıda jalaýy jelbireıtin jarysqa daıyndyqty qazirden bastap kettim», deıdi talantty boksshy.